აზერბაიჯანის თავდაცვის სამინისტრო სახელმწიფო საზღვარზე მიმდიარე მოვლენებთან დაკავშირებით განცხადებას ავრცელებს

,,სომხურ მედიასა და სოციალური ქსელების სეგმენტში გავრცელებული ინფორმაციები, აზერბაიჯანის მიერ სომხეთის ტერიტორიაზე შეჭრის შესახებ სხვა არაფერია, თუ არა აბსურდი". 24News.ge-ს ინფორმაციით, ამის შესახებ აზერბაიჯანის თავდაცვის სამინისტროს განცხადებაშია ნათქვამი. „რეგიონში აგრესორი და ოკუპანტი სახელმწიფო სომხეთის რესპუბლიკაა. აზერბაიჯანის ყარაბაღის ეკონომიკურ ზონაში სომხეთის შეიარაღებული ძალების პერსონალისა და ტექნიკის არსებობა დღემდე გრძელდება. აზერბაიჯანის არმია სომხეთის პროვოკაციის საპასუხოდ იღებს ადგილობრივ კონტრზომებს და ანეიტრალებს საცეცხლე პოზიციებს. სომხეთის მხრიდან მიმდინარე სამხედრო ავანტიურიზმისა და რევანშიზმის პოლიტიკა, ბოლო ერთი თვის განმავლობაში აზერბაიჯანის არმიის პოზიციების ინტენსიური დაბომბვა ქელბაჯარის, ლაჩინის, დაშქესანისა და გედაბეკის მიმართულებით და მის მიერ დღეს გამოწვეული ფართომასშტაბიანი პროვოკაციები კონფლიქტის გამწვავების ძირითადი მიზეზია. მომხდართან დაკავშირებით პასუხისმგებლობა სომხეთის სამხედრო-პოლიტიკურ ხელმძღვანელობას ეკისრება,"- აცხადებს აზერბაიჯანის თავდაცვის სამინისტრო.

www.24news.ge

სხვა სიახლეები