პენიტენციური სამსახურის გენერალურმა დირექტორმა თანამდებობიდან გათავისუფლება მოითხოვა

საქართველოს სპეციალური პენიტენციური სამსახურის გენერალურმა დირექტორმა გიორგი პატარიძემ ქვეყნის იუსტიციის მინისტრს, პაატა სალიას, თანამდებობიდან გათავისუფლების თხოვნით მიმართა. 24News.ge-ის ინფორმაციით, პატარიძემ თავის მიმართვაში თანამდებობიდან გათავისუფლება ითხოვა. შეგახსენებთ, რომ დღეს ცნობილი გახდა, რომ საქართველოს პროკურატურამ იუსტიციის სამინისტროს სპეციალური პენიტენციური სამსახურის გენერალური დირექტორის, გიორგი პატარიძის უფლებამოსილების შეჩერების შესახებ რეკომენდაცია გაუგზავნა. პროკურატურაში განაცხადეს, რომ დავით პეიქრიშვილთან დაკავშირებით მიღებული ინფორმაციის საფუძველზე დაწყებული სისხლის სამართლის საქმე საქართველოს იუსტიციის სამინისტროს გენერალური ინსპექციიდან გამოსაძიებლად გენერალური პროკურატურის საგამოძიებო დანაყოფს გადაეცა. უწყების ინფორმაციით, ამჟამად სისხლის სამართლის საქმეზე ყველა საჭირო საგამოძიებო და საპროცესო მოქმედება ინტენსიურად მიმდინარეობს.

www.24news.ge

პენიტენციური სამსახურის გენერალურმა დირექტორმა თანამდებობიდან გათავისუფლება მოითხოვა

სხვა სიახლეები