საქართველოსა და თურქეთის გენერალურ პროკურორებს შორის თანამშრომლობის გაღრმავება განიხილეს (ფოტო)

საქართველოს გენერალურმა პროკურორმა გიორგი გვარაკიძემ თურქეთის რესპუბლიკაში, ბალკანეთის ქვეყნების გენერალური პროკურორების სამუშაო ფორუმის ფარგლებში, თურქეთის რესპუბლიკის უზენაესი სააპელაციო სასამართლოს მთავარ პროკურორ მუჰსინ შენთურქთან შეხვედრა გამართა. 24News.ge-ის ცნობით, ამის შესახებ ინფორმაციას საქართველოს გენერალური პროკურატურა ავრცელებს. ინფორმაციის თანახმად, შეხვედრის დროს მხარეებმა საქართველოსა და თურქეთის შესაბამის უწყებებს შორის სისხლის სამართლის სფეროში არსებული მჭიდრო და ეფექტიანი თანამშრომლობა განიხილეს. შეხვედრაზე აღინიშნა ორ ქვეყანას შორის პროკურატურის სფეროში თანამშრომლობის მიმართულებით მიღწეული მნიშვნელოვანი შედეგები და გამოითქვა მზადყოფნა მომავალში ურთიერთთანამშრომლობის კიდევ უფრო გაღრმავებისთვის. მხარეებმა ხაზი გაუსვეს ერთობლივი ძალისხმევით თანამშრომლობის შემდგომი განვითარების მნიშვნელობას. საქართველოს გენერალურმა პროკურორმა გიორგი გვარაკიძემ თურქეთის რესპუბლიკის უზენაესი სააპელაციო სასამართლოს მთავარ პროკურორ მუჰსინ შენთურქს საქართველოში ოფიციალური ვიზიტით ეწვიოს, მიიწვია. ბალკანეთის ქვეყნების გენერალური პროკურორების სამუშაო ფორუმის ფარგლებში გამართულ ორმხრივ შეხვედრაში მონაწილეობდნენ საქართველოს გენერალური პროკურორის პირველი მოადგილე კახაბერ მურადაშვილი, გენერალური პროკურორის მოადგილე ზურაბ ბელტაძე, საქართველოს გენერალური პროკურატურის საერთაშორისო ურთიერთობების დეპარტამენტის ხელმძღვანელი გიორგი მიქავა, საქართველოს ელჩი თურქეთში არჩილ კალანდია და თურქეთის გენერალური პროკურატურის წარმომადგენლები.

www.24news.ge

საქართველოსა და თურქეთის გენერალურ პროკურორებს შორის თანამშრომლობის გაღრმავება განიხილეს (ფოტო)

სხვა სიახლეები