ევროკავშირი საქართველოში ახალი პროექტების განხორციელებისთვის 38 მილიონ ევროს გამოყოფს

ევროკავშირი (EU) 2026 წელს საქართველოში ახალი პროექტების განხორციელებისთვის 38 მილიონ ევროს გამოყოფს. 24News.ge-ის ცნობით, ამის შესახებ ევროკავშირის წარმომადგენლობამ თბილისში განაცხადა. წარმომადგენლობაში აცხადებენ, რომ 1992 წლიდან ევროკავშირმა საქართველოში 2 მილიარდ ევროზე მეტი ინვესტიცია განახორციელა სხვადასხვა პროექტში, მათ შორის სოფლის მეურნეობის განვითარებაში, მეწარმეობის მხარდაჭერასა და სატრანსპორტო ინფრასტრუქტურის მოდერნიზაციაში. თუმცა, განცხადების თანახმად, ევროკავშირმა მიიღო გადაწყვეტილება, რომ მომავალში თანხები სახელმწიფო უწყებების პირდაპირი დაფინანსების ნაცვლად მხოლოდ ცალკეული პროექტების განხორციელებას მოხმარდეს. წარმომადგენლობაში აღნიშნეს, რომ გამოყოფილი თანხები მოსახლეობის მხარდაჭერას, რეგიონების განვითარებასა და სოციალურ-ეკონომიკური ინიციატივების განხორციელებას მოხმარდება. „2026 წელს ევროკავშირი 38 მილიონ ევროს გამოყოფს ახალი პროექტების განსახორციელებლად, რითაც გააგრძელებს ხელშეწყობას მთელი საქართველოს მასშტაბით ოჯახებისა და ადგილობრივი თემების ცხოვრებაში რეალური დადებითი ცვლილებების განხორციელებაში“, – ნათქვამია ინფორმაციაში.

www.24news.ge

ევროკავშირი საქართველოში ახალი პროექტების განხორციელებისთვის 38 მილიონ ევროს გამოყოფს

სხვა სიახლეები