ბოლო 3 თვეში ბენზინის ფასი 66 თეთრით, ხოლო დიზელის საწვავის ფასი 1,15 ლარით გაიზარდა

ბოლო სამი თვის განმავლობაში საქართველოში ბენზინის ფასი ჯამში 66 თეთრით, ხოლო დიზელის ფასი 1,15 ლარით გაიზარდა. როგორც 24News.ge იუწყება, გაძვირება ეტაპობრივად, დღეებისა და კვირების განმავლობაში ხდებოდა. მხოლოდ სექტემბერში ბენზინის ფასი 14–31 თეთრით, ხოლო დიზელის ფასი 30–52 თეთრით გაიზარდა. ოქტომბერშიც ფასების ზრდა გრძელდება. სხვადასხვა ავტოგასამართ სადგურზე 14 ივლისისა და 14 ოქტომბრის მდგომარეობით არსებული ფასების შედარების საფუძველზე, ქვემოთ წარმოგიდგენთ ბოლო სამი თვის განმავლობაში მომხდარ ცვლილებებს: „გალფი“: G-Force Super — 4,65 ლარი (14 ივლისს — 4,09 ლარი), მატება 56 თეთრი; G-Force Premium — 4,33 ლარი (3,69 ლარი), მატება 64 თეთრი; G-Force Euro Regular — 4,03 ლარი (3,55 ლარი), მატება 48 თეთრი; G-Force Euro Diesel — 4,99 ლარი (4,07 ლარი), მატება 92 თეთრი; Euro Diesel — 4,93 ლარი (3,97 ლარი), მატება 96 თეთრი. „ვისოლი“: Eco Super — 4,64 ლარი (4,12 ლარი), მატება 52 თეთრი; Eco Premium — 4,32 ლარი (3,69 ლარი), მატება 63 თეთრი; Eco Diesel — 5,07 ლარი (4,04 ლარი), მატება 1,03 ლარი; Euro Diesel — 4,98 ლარი (3,99 ლარი), მატება 99 თეთრი; Euro Regular — 4,08 ლარი (3,55 ლარი), მატება 53 თეთრი. „სოკარი“: Nano Super — 4,62 ლარი (4,04 ლარი), მატება 58 თეთრი; Nano Premium — 4,31 ლარი (3,65 ლარი), მატება 66 თეთრი; Nano Euro Regular — 4,02 ლარი (3,51 ლარი), მატება 51 თეთრი; Euro 5 Diesel — 4,90 ლარი (3,95 ლარი), მატება 95 თეთრი; Nano Euro 5 Diesel — 4,96 ლარი (4,05 ლარი), მატება 91 თეთრი. „რომპეტროლი“: Efix Super — 4,59 ლარი (4,13 ლარი), მატება 46 თეთრი; Efix Euro Premium — 4,26 ლარი (3,70 ლარი), მატება 56 თეთრი; Efix Euro Regular — 3,96 ლარი (3,55 ლარი), მატება 41 თეთრი; Efix Euro Diesel — 4,97 ლარი (4,09 ლარი), მატება 88 თეთრი; Euro Diesel — 4,89 ლარი (3,99 ლარი), მატება 90 თეთრი. „პორტალი“: Super — 4,39 ლარი (3,74 ლარი), მატება 65 თეთრი; Premium — 4,19 ლარი (3,64 ლარი), მატება 55 თეთრი; Euro Regular — 3,94 ლარი (3,44 ლარი), მატება 50 თეთრი; Euro Diesel — 4,94 ლარი (3,79 ლარი), მატება 1,15 ლარი; Effective Diesel — 4,84 ლარი (4,09 ლარი), მატება 75 თეთრი. „ლუკოილი“: Super — 4,60 ლარი (4,03 ლარი), მატება 57 თეთრი; Premium — 4,25 ლარი (3,60 ლარი), მატება 65 თეთრი; Regular — 3,99 ლარი (3,45 ლარი), მატება 54 თეთრი; Diesel — 4,97 ლარი (3,99 ლარი), მატება 98 თეთრი. წარმოდგენილი მონაცემები აჩვენებს, რომ ბოლო სამი თვის განმავლობაში ყველაზე დიდი მატება „პორტალის“ ავტოგასამართ სადგურებზე Euro Diesel-ის ტიპის საწვავზე დაფიქსირდა. მისი ფასი 1,15 ლარით გაიზარდა და 4,94 ლარს მიაღწია. ბენზინის სახეობებს შორის კი ყველაზე დიდი, 66-თეთრიანი მატება „სოკარის“ Nano Premium-ის საწვავზე დაფიქსირდა.

www.24news.ge

ბოლო 3 თვეში ბენზინის ფასი 66 თეთრით, ხოლო დიზელის საწვავის ფასი 1,15 ლარით გაიზარდა

სხვა სიახლეები