პარლამენტმა დაუმთავრებელი სამშენებლო პროექტებისთვის საგადასახადო შეღავათების გახანგრძლივებას მხარი დაუჭირა

ქვეყნის პარლამენტმა მხარი დაუჭირა დაუსრულებელი სამშენებლო პროექტებისთვის გათვალისწინებული საგადასახადო შეღავათების ვადის გახანგრძლივებას. 24News.ge-ის ინფორმაციით, პარლამენტმა საგადასახადო კოდექსში ცვლილებების პროექტი დაჩქარებული წესით განიხილა და მესამე მოსმენით 81 ხმით, ერთხმად მიიღო. ცვლილების თანახმად, უძრავი ქონების მიწოდებისა და მასთან დაკავშირებული სამშენებლო-სამონტაჟო მომსახურების დამატებული ღირებულების გადასახადისგან ჩათვლის უფლებით გათავისუფლებისთვის განსაზღვრული ვადა 2029 წლის 1 იანვრიდან 2033 წლის 1 იანვრამდე გახანგრძლივდება. პროექტის თანახმად, 2008 წლის აგვისტომდე დაწყებული, მაგრამ დაუსრულებელი სამშენებლო პროექტები, ასევე მათთან დაკავშირებული ქონების მიწოდება და მომსახურება, საგადასახადო კოდექსით გათვალისწინებული ყველა პირობის შესრულების შემთხვევაში, დამატებული ღირებულების გადასახადისგან ჩათვლის უფლებით გათავისუფლდება.

www.24news.ge

სხვა სიახლეები