ოკუპირებულ ტერიტორიაზე უკანონო პატიმრობაში მყოფი საქართველოს ორი მოქალაქე გათავისუფლდა

2026 წლის 3 სექტემბერს, ოკუპირებული ცხინვალის რეგიონის მიმართულებით უკანონოდ დაკავებული საქართველოს ორი მოქალაქე გათავისუფლდა და ცენტრალური ხელისუფლების მიერ კონტროლირებად ტერიტორიაზე დაბრუნდა. 24News.ge იუწყება, რომ ამის შესახებ სახელმწიფო უსაფრთხოების სამსახურმა გაავრცელა ინფორმაცია. უწყების ინფორმაციით, საქართველოს ცენტრალური ხელისუფლება მოქალაქეების უპირობოდ გათავისუფლების საკითხს კონფლიქტების პრევენციისა და მათზე რეაგირების მექანიზმის (IPRM) ფარგლებში რეგულარულად აყენებდა. აღინიშნა, რომ პროცესის განმავლობაში ინტენსიურად გამოიყენებოდა „ცხელი ხაზის“ მექანიზმი და ცენტრალური ხელისუფლების ხელთ არსებული ყველა შესაბამისი საშუალება. მოლაპარაკებებში საერთაშორისო პარტნიორებიც აქტიურად მონაწილეობდნენ. სახელმწიფო უსაფრთხოების სამსახურის ინფორმაციით, ცენტრალური ხელისუფლება საერთაშორისო პარტნიორებთან ერთად გააგრძელებს მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გათავისუფლების მიზნით.

www.24news.ge

ოკუპირებულ ტერიტორიაზე უკანონო პატიმრობაში მყოფი საქართველოს ორი მოქალაქე გათავისუფლდა

სხვა სიახლეები