ABŞ 50 ölkə vətəndaşları üçün vizə girovu proqramını daimi edəcək – siyahıda Gürcüstan da var

ABŞ Dövlət Departamenti təxminən 50 ölkənin vətəndaşlarını əhatə edən vizə girovu proqramını daimi rejimə keçirməyi planlaşdırır. 24News.ge proqram çərçivəsində ABŞ vizası almaq istəyən şəxslərdən müəyyən hallarda 20 min dollara qədər girov tələb oluna bilər. Qərar Federal Reyestrdə dərc olunan bildirişdə əks olunub. Yeni qaydalar əsasən B1 və B2 kateqoriyalı – işgüzar və turistik səfərlər üçün verilən vizalara şamil ediləcək. Konsulluq əməkdaşları konkret hallarda vizanın verilməsi üçün ilkin şərt kimi girov ödənişi tələb edə biləcəklər. Bildirilib ki, 2025-ci ildə tətbiq edilən pilot proqramın nəticələri bu mexanizmin vizə qaydalarına riayət olunmasını təmin etmək baxımından effektiv olduğunu göstərib. Pilot mərhələdə girov məbləği 5 000, 10 000 və 15 000 dollar idi. Yeni qaydalarla 5 000 dollarlıq variant ləğv olunub, maksimal məbləğ isə 20 000 dollara qədər artırılıb. Qərarın 3 avqustdan etibarən qüvvəyə minəcəyi qeyd olunur. Proqram əsasən Afrika ölkələrini əhatə etsə də, siyahıya Gürcüstan da daxildir. ABŞ hakimiyyəti bildirir ki, bu siyasətin məqsədi vizə müddətinin aşılması hallarını azaltmaqdır. Lakin immiqrasiya üzrə çalışan bəzi təşkilatlar hesab edir ki, bu addım ABŞ-a qanuni səfər etmək istəyən şəxslər üçün də əlavə çətinliklər yarada bilər. Hüquq müdafiəçiləri isə sərtləşdirilmiş immiqrasiya siyasətinin bəzi hallarda ifadə azadlığına və hüquqi təminatlara mənfi təsir göstərə biləcəyini bildirirlər. ABŞ rəhbərliyi isə bu tədbirləri milli təhlükəsizliyin gücləndirilməsi baxımından zəruri hesab edir.

www.24news.ge

ABŞ 50 ölkə vətəndaşları üçün vizə girovu proqramını daimi edəcək – siyahıda Gürcüstan da var

Digər xəbərlər