Kobaxidze: "Terrorizmlə mübarizə istiqamətində mühüm addımlar atılmaqdadır"

Baş naziri İrakli Kobaxidze terrorizmlə mübarizə sahəsində mühüm nəticələrin əldə olunduğunu bildirib. 24News.ge xəbər verir ki, Baş nazir bu barədə Dövlət Təhlükəsizliyi Xidmətinin yaradılmasının 11-ci ildönümünə həsr olunmuş tədbirdə çıxışı zamanı danışıb. Onun sözlərinə görə, həyata keçirilən preventiv tədbirlər nəticəsində bir sıra təhlükələrin qarşısı alınıb. Kobaxidze qeyd edib ki, milli təhlükəsizliyin ayrılmaz hissəsi korrupsiyaya qarşı mübarizədir və bu sahədə aparılan işlərin nəticələri artıq gündəlik həyatda hiss olunur. O vurğulayıb ki, hökumət korrupsiya cinayətlərinə qarşı prinsipial mövqe tutmağa davam edəcək və qanunu pozan hər kəs ciddi məsuliyyət daşıyacaq. Baş nazir bildirib ki, əldə olunan nəticələrdə Dövlət Təhlükəsizliyi Xidmətinin əməkdaşlarının xüsusi rolu var və onların əməyinin qiymətləndirilməsi hökumətin əsas prioritetlərindən biridir. Onun sözlərinə görə, son illərdə əməkdaşların iş şəraiti yaxşılaşdırılıb, maaşları artırılıb və sosial təminatları gücləndirilib. İrakli Kobaxidze Dövlət Təhlükəsizliyi Xidmətinin rəhbəri Qriqol Liluaşviliyə, qurumun rəhbərliyinə və əməkdaşlarına təşəkkürünü bildirib, onların peşəkarlığının ölkənin təhlükəsiz gələcəyinin təminatında mühüm rol oynadığını vurğulayıb. Sonda baş nazir əməkdaşları peşə bayramı münasibətilə təbrik edib və hökumət adından tam dəstək ifadə edib.

www.24news.ge

Kobaxidze: "Terrorizmlə mübarizə istiqamətində mühüm addımlar atılmaqdadır"

Digər xəbərlər