Sarvan dağlarında Sarvan el bayramı baş tutub (FOTO)

Hər il olduğu kimi, bu il də avqustun 1-də Zalqa bələdiyyəsinin ərazisində yerləşən Sarvan dağlarında Sarvan el bayramı keçirilib. 24News.ge xəbər verir ki, tədbirdə müxtəlif kənd və şəhərlərdən gələn çoxsaylı qonaqlar iştirak ediblər. İştirakçılar arasında Marneuli meri Daur İsmayılov, parlamentin üzvü Zaur Darğallı, bələdiyyə məclisinin sədri Amiran Qiorqadze, bələdiyyə nümayəndələri və digər rəsmi şəxslər yer alıblar. Tədbirdə çıxış edən mer və yerli hakimiyyət nümayəndələri bu cür el şənliklərinin milli adət-ənənələrin qorunması və gələcək nəsillərə ötürülməsi baxımından xüsusi əhəmiyyət daşıdığını vurğulayıblar. El bayramı çərçivəsində folklor və musiqi nömrələri təqdim olunub, ənənəvi xalçaçılıq nümunələri nümayiş etdirilib, at yarışları təşkil olunub, süfrələr açılıb, aşıq havaları və digər milli musiqilər səsləndirilib. Məlumat üçün bildirək ki, Sarvan el bayramı ənənəvi olaraq hər il avqustun 1-də keçirilir. Bu gün münasibətilə çadırlar qurulur, süfrələr açılır, vətənpərvərlik ruhunda şeirlər səsləndirilir, milli musiqilər ifa olunur. Bayramın əsas məqsədi Sarvan sakinlərinin əsrlər boyu formalaşmış həyat tərzini yaşatmaq və onu yeni nəsillərə çatdırmaqdır.

www.24news.ge

Sarvan dağlarında Sarvan el bayramı baş tutub (FOTO)

Digər xəbərlər