"SOCAR Georgia Gas" şirkəti Qızılaclı kənd sakinlərinə müraciət edir

Marneuli bələdiyyəsinin Qızılhacılı kəndində təbii qaz təchizatı ilə bağlı "SOCAR Georgia Gas" şirkəti bəyanat yayıb. Şirkətdən 24News.ge xəbər portalına verilən press-relizdə qeyd olunur ki, 1 avqust 2026-cı il tarixindən “Mamed” MMC-nin lisenziyası ləğv edilib. Bu səbəbdən “Mamed” MMC tərəfindən qazın qoşulması və ya kəsilməsi məqsədilə həyata keçirilən bütün əməliyyatlar qanunsuz hesab olunur. “SOCAR Georgia Gas” MMC Qızılaclı kəndinin sakinlərinə bir daha bildirir ki, tənzimləyici orqanın qərarına əsasən, 1 avqust 2026-cı il tarixindən “Mamed” MMC-nin lisenziyası ləğv edilib və şirkətin artıq Qızılaclı ərazisində təbii qazın paylanması hüququ yoxdur. Bu səbəbdən “Mamed” MMC tərəfindən qazın qoşulması və ya kəsilməsi məqsədilə həyata keçirilən bütün əməliyyatlar qanunsuz hesab olunur. Təbii qazın istehlak tarifinin müəyyən edilməsi tənzimləyici orqanın səlahiyyətinə daxildir. Qızılaclı kəndi üzrə hazırda qüvvədə olan tarif 47 qəpikdir. Buna baxmayaraq, “Mamed” MMC son dövrlərdə öz təşəbbüsü ilə bir neçə dəfə tarif dəyişiklikləri barədə qanunsuz açıqlamalar verib. Bildirilib ki, “Mamed” MMC-nin illər ərzində yığılan borcları və lisenziya şərtlərinin sistematik pozulması nəticəsində əhalinin qaz təchizatının dayandırılması və lisenziyanın ləğvi baş verib. 1 avqust tarixindən etibarən təbii qazın paylanması fəaliyyəti “SOCAR Georgia Gas” MMC-yə həvalə olunub. Buna görə də, indiyədək “Mamed” MMC vasitəsilə qazla təmin olunan bütün abonentlər “SOCAR Georgia Gas” MMC-də qeydiyyatdan keçməlidirlər. Şirkət bildirir ki, Qızılaclı sakinlərinin təhlükəsiz və sabit qaz təchizatı ilə təmin olunması üçün bütün zəruri tədbirlər görüləcək. Eyni zamanda ümid edilir ki, “Mamed” MMC-nin fəaliyyəti hüquqi çərçivədən kənara çıxmayacaq və şirkət rəhbərliyi əməkdaşlıqla bağlı təkliflərə konstruktiv yanaşacaq.

www.24news.ge

"SOCAR Georgia Gas" şirkəti Qızılaclı kənd sakinlərinə müraciət edir

Digər xəbərlər