Camdeliani məhkəmənin qərarına belə münasibət bildirdi: "Ölkədə ədalət böhranı yaşanır"

Kvemo Kartlinin keçmiş vitse-qubernatoru Giorgi Şincikaşvili Marneuli və Hucabi yepiskopu Qiorqi Camdelianiyə qarşı şərəf və ləyaqətin müdafiəsi ilə bağlı qaldırdığı məhkəmə iddiasını qazanıb. 24News.ge xəbər verir ki, işə Bolnisi Rayon Məhkəməsi baxıb. Məhkəmənin qərarından sonra yepiskop Qiorqi Camdeliani sosial şəbəkədə paylaşım edərək qərarı tənqid edib. O, paylaşımına Müqəddəs Kitabdan sitatlarla başlayıb ("Vay ədalətsiz hökm çıxaranların halına..." / "Vay o kəslərin halına ki, şərə xeyir deyirlər...") və o, ölkədə "ədalətin böhran yaşadığını" bildirərək, hakimin kilsə hüququnu və təqdim olunan sübutları nəzərə almadığını iddia edib. Yepiskop qeyd edib ki, sözügedən iş mülki xarakter daşıyır və cinayət işinin mahiyyəti ilə bağlı deyil. Onun sözlərinə görə, məhkəmə yalnız təqsirsizlik prezumpsiyasını əsas götürərək qərar qəbul edib və cinayətə hazırlıq faktı barədə hüquqi qiymətləndirmə aparmayıb. Qiorqi Camdeliani qərarın "bərpa olunmuş ədalət" kimi təqdim edilməsinin tez olduğunu bildirib və bunun məsələ ilə bağlı son açıqlaması olduğunu vurğulayıb. Məhkəmə qərarı ilə bağlı Giorgi Şincikaşvili sosial şəbəkə hesabında paylaşım edərək belə yazıb: "Gec-tez həqiqət öz yolunu tapır. Həqiqət ləyaqətin və məsuliyyətin tərəfində dayanır. Başqasını öz rifahı naminə ləkələmək mənim üçün hər zaman qəbuledilməz olub və bu gün də belədir. Bu, təkcə mənim bir şəxs olaraq görünməmiş böhtan üzərində qələbəm deyil. Bu gün qəbul edilən qərar, təxminən bir il ərzində mənimlə birlikdə ədalətin bərqərar olmasını gözləyən hər bir insanın qələbəsidir. Bolnisi Rayon Məhkəməsinə ədalətin və qanunun aliliyini təmin etdiyinə görə təşəkkür edirəm. Mənə hər zaman inanan, sadə bir insan kimi haqlı olduğuma inamını itirməyən hər bir dəstəkçimə minnətdaram. Hər bir vəzifədən və rütbədən üstün olan ləyaqətdir." Məlumata əsasən, məhkəmə qərarına görə, Marneuli və Hucabi yeparxiyasının yepiskopu Giorgi (Leri) Camdeliani yayımladığı yalan məlumata görə, Giorgi Şinjikaşvilidən üzür istəməlidir.

www.24news.ge

Camdeliani məhkəmənin qərarına belə münasibət bildirdi: "Ölkədə ədalət böhranı yaşanır"

Digər xəbərlər