Avtomobillərin onlayn qeydiyyatdan keçirilməsi xidməti istifadəyə verilib

Daxili İşlər Nazirliyinin Xidmət Agentliyində nəqliyyat vasitəsinin məsafədən yenidən rəsmiləşdirilməsi (adına keçirilməsi) xidməti istifadəyə verilib. 24News.ge xəbər verir ki, bu barədə qurumun yaydığı məlumatda bildirilir. Məlumata görə, yeni elektron xidmətin təqdimatı bu gün keçirilib. Tədbirdə Xidmət Agentliyinin direktoru Şalva Kbilaşvili, direktor müavinləri, Rustavi Mərkəzi Departamentinin və agentliyin müxtəlif struktur bölmələrinin nümayəndələri iştirak ediblər. Çıxışı zamanı Şalva Kbilaşvili bildirib ki, agentliyin əsas prioritetlərindən biri xidmətlərin davamlı inkişaf etdirilməsi, vətəndaşlara müasir, sürətli və rahat xidmətlərin təqdim olunmasıdır. Təqdimat çərçivəsində agentliyin direktor müavini Nino Epxoşvili yeni elektron xidmətin işləmə prinsipi, prosedurları və texniki imkanları barədə iştirakçılara ətraflı məlumat verib. Vətəndaşlar yeni xidmətdən SERVICE AGENCY mobil tətbiqi və Sa.gov.ge internet saytı vasitəsilə istifadə edə bilərlər.

www.24news.ge

Avtomobillərin onlayn qeydiyyatdan keçirilməsi xidməti istifadəyə verilib

Digər xəbərlər