Oğul atasını öldürərək meyitini həyətdə basdırıb (VİDEO)

Kaxetidə oğul atasını küt alətlə qətlə yetirib, daha sonra isə cinayətin izini itirmək məqsədilə meyiti yaşadığı evin həyətində basdırıb. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata görə, Kaxeti Polis Departamentinin əməkdaşları ailə üzvünü ağırlaşdırıcı şəraitdə qəsdən öldürməkdə təqsirləndirilən bir nəfəri saxlayıblar. İstintaqla müəyyən edilib ki, təqsirləndirilən şəxs mübahisə zəminində atasına küt alətlə xəsarətlər yetirib. Aldığı xəsarətlər nəticəsində kişi hadisə yerində həyatını itirib. Nazirliyin məlumatına əsasən, şübhəli şəxs cinayətin izini gizlətmək məqsədilə meyiti yaşadığı evin həyətində basdırıb. Hüquq-mühafizə orqanlarının əməkdaşları keçirilən əməliyyat-axtarış və istintaq tədbirləri nəticəsində təqsirləndirilən şəxsi "isti izlərlə" saxlayıblar. Cinayətin törədilməsində istifadə olunan alət maddi sübut kimi götürülüb. Faktla bağlı Cinayət Məcəlləsinin ailə üzvünün ağırlaşdırıcı şəraitdə qəsdən öldürülməsini nəzərdə tutan 11 prima, 109-cu maddəsi ilə istintaq aparılır. Bu maddə üzrə təqsirli bilinən şəxsi 20 ilədək və ya ömürlük azadlıqdan məhrumetmə cəzası gözləyir.

www.24news.ge

Oğul atasını öldürərək meyitini həyətdə basdırıb (VİDEO)

Digər xəbərlər