Yuxarı Qullar sakinləri Marneuli Meliorasiya Xidmətinin qarşısında etiraz aksiyası keçiriblər (VİDEO)

Marneuli bələdiyyəsinin Yuxarı Qullar kənd sakinləri Marneuli Meliorasiya Xidmətinin qarşısında etiraz aksiyası keçiriblər. 24News.ge xəbər portalına danışan sakinlər bildiriblər ki, Meliorasiya Xidməti ilə suvarma qrafikinə dair müqavilələri olsa da, əkin sahələrini suvara bilmirlər. Onların sözlərinə görə, suyun az olması səbəbindən kanalın yuxarı hissəsində yerləşən ərazilərin sakinləri öz məhsullarını suvara bilirlər, aşağı hissədə yaşayan fermerlərin əkinləri isə yay istisində susuzluqdan yanaraq məhv olur. Etirazçılar Meliorasiya Xidmətindən suvarma kanallarına nəzarətin gücləndirilməsini, arxların təmizlənməsini və kəndin fasiləsiz suvarma suyu ilə təmin olunmasını tələb ediblər. Sakinlərin etirazından sonra Marneuli merinin Qullar ərazi vahidi üzrə nümayəndəsi Vidadi Həsənov hadisə yerinə gələrək onlarla görüşüb. O bildirib ki, mövcud vəziyyət barədə Meliorasiya Xidmətinin rəhbərliyinə məlumat verilib və qaldırılan məsələyə aidiyyəti qurum tərəfindən baxılacaq. Qeyd edək ki, kənd sakinləri problemin qısa müddətdə həll olunacağına ümid etdiklərini, əks halda etiraz aksiyalarını davam etdirəcəklərini bildiriblər. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Yuxarı Qullar sakinləri Marneuli Meliorasiya Xidmətinin qarşısında etiraz aksiyası keçiriblər (VİDEO)

Digər xəbərlər