İranın Ali Rəhbəri Trampın açıqlamasına cavab olaraq qisas mesajı yayımlayıb

İranın Ali Rəhbəri Müctəba Xameneinin İranın mərhum keçmiş ali dini lideri Ayətullah Seyid Əli Xameneinin vida və dəfn mərasimi münasibətilə ünvanladığı müraciət yayımlanıb. 24News.ge xəbər verir ki, müraciətdə vida və dəfn mərasimində iştirak edən İran və İraq xalqlarına, eləcə də müxtəlif ölkələrdən gələn nümayəndələrə təşəkkür ifadə olunub. Müraciətdə, həmçinin keçmiş ali dini liderin qətlində məsuliyyət daşıdığı iddia edilən şəxslərdən intiqam alınacağı bildirilib. Sənəddə qeyd olunur ki, qisasın alınması xalqın tələbi kimi qiymətləndirilir və bunun həyata keçiriləcəyi vurğulanır: "Sizin və bu iki müharibənin bütün şəhidlərinin pak qanının qisasını cinayətkar və rüsvay edilmiş qatillərdən alacağımıza əhd bağlayırıq. Bu intiqam millətimizin tələbidir və bu, mütləq şəkildə həyata keçirilməlidir. Əvvəldən axıra qədər hamısının siyahısı əlimizdə olan bu cinayətkarlar, yataqlarında rahat ölmək arzularını özləri ilə məzara aparacaqlar. Onlar bilməlidirlər ki, bu iş şəxsən mənim və ya digər məsulların varlığından asılı deyil. Biz olsaq da, olmasaq da, bu hədəf gerçəkləşəcək və tezliklə dünyanın dörd bir yanındakı azadlıqsevər insanların hər biri bu İlahi missiyanın bir hissəsini yerinə yetirəcəkdir", - deyə müraciətin bir hissəsində qeyd olunub. Xatırladaq ki, bu gün ABŞ Prezidenti Donald Tramp bəyan edib ki, əgər İran ona qarşı sui-qəsdə cəhd etsə, ABŞ İranı min raketlə vuracaq.

www.24news.ge

İranın Ali Rəhbəri Trampın açıqlamasına cavab olaraq qisas mesajı yayımlayıb

Digər xəbərlər