Marneulinin mərkəzi yolunda 11 iyul–19 avqust tarixlərində mərhələli məhdudiyyət tətbiq ediləcək

Marneuli şəhərinin Rustaveli küçəsində su təchizatı sisteminin reabilitasiyası çərçivəsində, iyulun 11-dən etibarən yekun mərhələnin işlərinə başlanılacaq. 24News.ge xəbər verir ki, bu barədə Marneuli meriyası məlumat yayıb. Məlumata əsasən, A.Həsənov, X.Borçalı, A.Şaiq, N.Nərimanov I və II döngələri, Orbeliani və Algeti küçələrində yeni quraşdırılmış kanalizasiya sistemi Rustaveli küçəsinin mərkəzi magistralına birləşdiriləcək. Sözügedən işlərin maneəsiz şəkildə həyata keçirilməsi üçün nəqliyyatın hərəkəti mərhələli şəkildə məhdudlaşdırılacaq. İşlərin xüsusiyyətlərindən asılı olaraq, müvafiq tarixlərdə, mövcud küçələrlə yanaşı, Rustaveli küçəsinin sistemin mərkəzi magistrala birləşdiyi hissələri (yol ayrıcları) də mərhələli şəkildə bağlanacaq. Küçələr aşağıdakı tarixlər üzrə bağlanacaq: Hissə 1: A.Həsənov küçəsi - Rustaveli küçəsinə birləşmə 11 iyul (səhər saat 9-dan) – 16 iyul Hissə 2: X.Borçalı küçəsi - Rustaveli küçəsinə birləşmə 17 iyul (səhər saat 9-dan) – 22 iyul Hissə 3: A.Şaiq küçəsi - Rustaveli küçəsinə birləşmə 23 iyul (səhər saat 9-dan) – 29 iyul Hissə 4: N.Nərimanov, Orbeliani küçəsi (məscidin yanı) - Rustaveli küçəsinə birləşmə 30 iyul (səhər saat 9-dan) – 5 avqust Hissə 5: N.Nərimanov, Algeti küçəsi (məscidin yanı) - Rustaveli küçəsinə birləşmə 6 avqust (səhər saat 9-dan) – 12 avqust Hissə 6: N.Nərimanov II döngəsi - Rustaveli küçəsinə birləşmə 13 avqust (səhər saat 9-dan) – 18 avqust Hissə 7: N.Nərimanov I döngəsi - Rustaveli küçəsinə birləşmə 19 avqust (səhər saat 9-dan) – 24 avqust Meriyadan bildirilib ki, hərəkətin məhdudlaşdırılması zamanı bütün təhlükəsizlik normalarına tam riayət olunacaq. İşlər fasiləsiz rejimdə, 24 saat ərzində aparılacaq. İşləri "Gürcüstanın Birləşmiş Su Təchizatı Şirkəti" MMC və Asiya İnkişaf Bankının sifarişi ilə "China Geo-Engineering Corporation" şirkəti həyata keçirir.

www.24news.ge

Marneulinin mərkəzi yolunda 11 iyul–19 avqust tarixlərində mərhələli məhdudiyyət tətbiq ediləcək

Digər xəbərlər