Mübahisə zəminində yeniyetmə bıçaqlanıb, ailə üzvünə qarşı zorakılıq edilib

Telavi şəhərində azyaşlıya xəsarət yetirilməsi və onun ailə üzvünə qarşı zorakılıq faktı ilə bağlı 3 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. İstintaqla müəyyən edilib ki, saxlanılan şəxslər mübahisə zəminində yetkinlik yaşına çatmayan şəxsə və onun ailə üzvünə fiziki zorakılıq ediblər. Onlardan biri isə soyuq silahla yeniyetməyə xəsarət yetirib. Yaralıya tibbi yardım göstərilməsi məqsədilə o, xəstəxanaya çatdırılıb. Polis tərəfindən həyata keçirilən operativ-axtarış və istintaq tədbirləri nəticəsində cinayətdə şübhəli bilinən şəxslər isti izlərlə saxlanılıb. Faktla bağlı Cinayət Məcəlləsinin 118-ci və 126-cı maddələri ilə istintaq aparılır. Həmin maddələr 4 ilədək azadlıqdan məhrumetmə cəzasını nəzərdə tutur.

www.24news.ge

Mübahisə zəminində yeniyetmə bıçaqlanıb, ailə üzvünə qarşı zorakılıq edilib

Digər xəbərlər