Yuxarı Qullar kəndinin əsas küçələrindən birinin sakinləri etiraz aksiyası keçiriblər (VİDEO)

Marneuuli bələdiyyəsinin Yuxarı Qullar kəndinin əsas küçələrindən birinin sakinləri etiraz aksiyası keçiriblər. 24News.ge xəbər portalına müsahibə verən kənd sakinləri bildirirlər ki, artıq iki ildir aidiyyəti qurumlar tərəfindən sözügedən küçənin asfaltlanacağı ilə bağlı onlara vədlər verilir. Lakin onların sözlərinə görə, bu gün kəndə gətirilən xüsusi texnika həmin küçədə deyil, başqa bir küçədə iş aparır. Sakinlər qeyd edirlər ki, xüsusilə yağışlı havalarda gündəlik istifadə olunan əsas yol bərbad vəziyyətə düşür, nəticədə yaşlıların və uşaqların hərəkəti çətinləşir. Sakinlərin etirazı ilə bağlı Marneuli merinin Qullar ərazi vahidi üzrə nümayəndəsi Vidadi Həsənov əraziyə gələrək onlarla görüşüb. O bildirib ki, verilən vəd yerinə yetiriləcək və kənddə 2,5 kilometrlik ərazidə asfaltlama işləri aparılacaq. Yuxarı Qullar kənd sakinləri illərdir içməli su problemi ilə üzləşdiklərini də bildirirlər. Onların sözlərinə görə, bir neçə il əvvəl kəndə çəkilmiş su xətlərindən və kranlardan bu günədək bir dəfə də olsun su gəlməyib. Nəticədə sakinlər yararsız quyu suyundan istifadə etməyə məcbur olurlar. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Yuxarı Qullar kəndinin əsas küçələrindən birinin sakinləri etiraz aksiyası keçiriblər (VİDEO)

Digər xəbərlər