Milli Tənzimləmə Komissiyası Qızılhacılıda qazın kəsilməsi ilə bağlı araşdırmaya başlayıb

Energetika və Su Təchizatı üzrə Milli Tənzimləmə Komissiyası (SEMEK) Marneuli bələdiyyəsinin Qızılhacılı kəndində təbii qaz təchizatının dayandırılması faktına münasibət bildirib. 24News.ge xəbər verir ki, qurumun yaydığı məlumata görə, hazırda məsələ araşdırılır və əhalinin təbii qazla təminatının ən qısa müddətdə bərpa olunması istiqamətində iş aparılır. SEMEK-in açıqlamasında qeyd olunur ki, qazpaylayıcı şirkət “Mamedi” MMC-nin lisenziyalı fəaliyyət ərazisində – Qızılhacılı kəndində məişət istehlakçıları üçün qurum tərəfindən təsdiqlənmiş tarif 47 tetri (ƏDV daxil) təşkil edir. Bu tarif sosial qazın dəyərini (36,7 tetri, ƏDV daxil olmaqla) və qanunvericiliklə nəzərdə tutulan bütün zəruri xərcləri əhatə edir. Komissiyanın bildirdiyinə görə, mövcud istehlak tarifində sosial qazın qiyməti tam şəkildə nəzərə alınıb. Lakin “Mamedi” MMC sosial qazın alış qiyməti ilə razılaşmır və yığılıb qalmış borclarını ödəmədiyi üçün şirkətə təbii qazın verilməsi dayandırılıb. SEMEK həmçinin vurğulayıb ki, “Mamedi” MMC istehlakçılardan qurumun müəyyən etdiyi tarifdən daha yüksək – 57 tetri (ƏDV daxil) məbləğində ödəniş tələb edib. Bu faktla bağlı müvafiq istintaq orqanları tərəfindən araşdırma aparılır.

www.24news.ge

Milli Tənzimləmə Komissiyası Qızılhacılıda qazın kəsilməsi ilə bağlı araşdırmaya başlayıb

Digər xəbərlər