4 oktyabr hadisələri üzrə təqsirləndirilən daha 8 nəfər azadlığa buraxılıb

Ötən ilin 4 oktyabr tarixində Atoneli sarayı yaxınlığında baş vermiş hadisələrlə əlaqədar saxlanılan daha səkkiz nəfərlə prokurorluq arasında prosessual razılaşma əldə olunub. 24News.ge xəbər verir ki, Aleksandre Xabeişvili, Beka Kelexaşvili, Giorgi Muladze, Mamuka Labuçidze, Guriel Kardava, Avtandil Surmanidze, Vaxtanq Pitsxelauri və Temur Kurtsikidze ilə bağlanan razılaşma Tbilisi Şəhər Məhkəməsinin hakimi Nino Taraşvili tərəfindən təsdiqlənib. Qərara əsasən, səkkiz nəfərin hər birinə 3 il müddətinə şərti cəza verilib və onlar məhkəmə zalından azadlığa buraxılıblar. Prokurorluq təqsirləndirilən şəxslərin ittihamları qəbul etməsi və iş üzrə sübutları mübahisələndirməməsindən sonra prosessual razılaşmaya razılıq verib. Bu cinayət işi üzrə ümumilikdə 12 nəfər təqsirləndirilir. Onlardan dördü – Abo Naveriani, Anton Uper, Nana Sander və Mariam Meykantsişvili ittihamları qəbul etməyiblər. Bu səbəbdən onlarla prosessual razılaşma bağlanmayıb və onların işi üzrə məhkəmə davam etdiriləcək. İstintaqın məlumatına görə, təqsirləndirilən şəxslərin əksəriyyətinə Cinayət Məcəlləsinin strateji və xüsusi əhəmiyyətli obyektlərin qrup halında ələ keçirilməsi və ya blokadaya alınmasına cəhd, eləcə də qrup zorakılığında iştirak maddələri ilə ittiham irəli sürülüb.

www.24news.ge

4 oktyabr hadisələri üzrə təqsirləndirilən daha 8 nəfər azadlığa buraxılıb

Digər xəbərlər