Yeni salınacaq Tbilisi–Rustavi yolunun tikintisi üzrə tender elan olunub (FOTO)

Regional İnkişaf və İnfrastruktur Nazirliyinin tabeliyində olan Bələdiyyə İnkişaf Fondu Tbilisi–Qırmızı Körpü beynəlxalq əhəmiyyətli avtomobil yolunun Tbilisi–Rustavi istiqamətindəki ikinci hissəsinin tikintisi üzrə tender elan edib. 24News.ge xəbər verir ki, layihə çərçivəsində 3.6 km yol və Kür çayı üzərində iki yeni körpü inşa ediləcək. Nazirliyin açıqlamasına əsasən, layihə çərçivəsində Ponıçala ərazisində 3.6 kilometr uzunluğunda avtomobil yolunun tikintisi və Kür çayı üzərində biri 211, digəri isə 170 metr uzunluğunda olmaqla iki yeni körpünün inşası nəzərdə tutulur. Bundan əlavə, yolun ətrafında istirahət zonaları, piyadalar üçün işıqforla təchiz edilmiş təhlükəsiz keçidlər salınacaq. Nəqliyyat axınının səmərəli şəkildə tənzimlənməsi məqsədilə həm iki səviyyəli nəqliyyat qovşağı, həm də Ponıçala ərazisində bir səviyyəli yol qovşağının inşası planlaşdırılır. Nazirlik bildirir ki, yeni yol hissəsinin istifadəyə verilməsi şəhər daxilində yük və tranzit nəqliyyatının intensivliyini azaldacaq, nəqliyyat axınını rahatlaşdıracaq, səyahət müddətini qısaldacaq və yol hərəkəti təhlükəsizliyini artıracaq. Tikinti işləri zamanı bütün müvafiq tikinti, ekoloji və sosial standartlara riayət olunacağı da vurğulanır.

www.24news.ge

Yeni salınacaq Tbilisi–Rustavi yolunun tikintisi üzrə tender elan olunub (FOTO)

Digər xəbərlər