Təzəkənd sakinləri bir sıra problemlərdən şikayətlənirlər (VİDEO)

Marneuli bələdiyyəsinin Təzəkənd sakinləri kənddə bir sıra problemlərin mövcudluğundan narazılıq edirlər. 24News.ge xəbər verir ki, kənd sakinləri ilə söhbət zamanı onlar xüsusilə daxili yolların vəziyyətindən, elektrik xətlərindəki problemlərdən və şagirdlərin məktəbə gediş-gəlişindən narahat olduqlarını bildiriblər. Sakinlərin sözlərinə görə, kəndin bir neçə küçəsində daxili yollar uzun müddətdir təmir olunmayıb və hazırda yararsız vəziyyətdədir. Onlar yolların xüsusilə yağışlı havalarda daha da keçilməz hala gəldiyini qeyd edirlər. Bundan əlavə, kəndin bəzi ərazilərində elektrik xətlərinin aşağı sallandığı və insanların, xüsusilə də uşaqların həyatı üçün təhlükə yaratdığı bildirilir. Sakinlər aidiyyəti qurumların bu məsələyə diqqət yetirməsini və elektrik xətlərinin təhlükəsiz vəziyyətə gətirilməsini istəyirlər. Kənd sakinlərinin digər əsas tələbi isə məktəbə nəqliyyatın təşkil olunmasıdır. Onların sözlərinə görə, məktəbin yaşayış məntəqəsindən uzaq məsafədə yerləşməsi səbəbindən şagirdlərin hər gün məktəbə gedib-gəlməsi çətinlik yaradır. Sakinlər uşaqların təhlükəsiz və rahat şəkildə məktəbə gedib-gəlməsi üçün kəndə məktəb avtobusunun ayrılmasını xahiş edirlər. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Təzəkənd sakinləri bir sıra problemlərdən şikayətlənirlər (VİDEO)

Digər xəbərlər