Yusubova bacıları əmlaklarının mənimsənildiyini və polis təzyiqinə məruz qaldıqlarını bildirirlər (VİDEO)

Marneuli şəhər sakinləri Elmira və Elyura Yusubova bacıları son bir neçə ildir daşınmaz əmlakları ilə bağlı problemlər yaşadıqlarını bildirirlər. 24News.ge xəbər portalına açıqlama verən Elmira Yusubvanın sözlərinə görə, bir neçə il əvvəl müxtəlif şəxslərin vasitəsilə Marneuli meriyasında mövcud olan arxiv sənədləri saxtalaşdırılıb və ailələrinin hüquqlarında olan daşınmaz əmlaklar onların xəbəri olmadan mənimsənilib. Elmira Yusubovanın sözlərinə görə, gecə saatlarında çoxsaylı polis əməkdaşları onların evinə gəlib. O bildirir ki, polis əməkdaşları heç bir sənəd və ya məhkəmə qərarı təqdim etmədən onlardan evi tərk etmələrini tələb ediblər. Elmira Yusubova tələbin qanunsuz olduğunu bildirərək, zor tətbiq ediləcəyi təqdirdə özlərinə qarşı intihar edəcəklərini deyib. Onun sözlərinə görə, baş verənlər fonunda səhər saatlarında bacısı Elyura Yusubova yaşadığı evin həyətində polis əməkdaşları tərəfindən hər hansı sənəd təqdim edilmədən saxlanılıb. Elmira Yusubova həmçinin bildirib ki, son günlər polis əməkdaşları onlara qarşı zor tətbiq edir və bu vəziyyət onları intihar həddinə çatdırır. O, aidiyyəti qurumlara müraciət edərək baş verənlərə ciddi reaksiya verməyə çağırıb. Qeyd edək ki, polis tədbirləri və Elyura Yusubovanın saxlanılması ilə bağlı Daxili İşlər Nazirliyinə sorğu göndərmişik. Nazirlikdən bildirilib ki, məsələ araşdırıldıqdan sonra sorğuya cavab veriləcək. Nazirlikdən məlumat daxil olduqda, ictimaiyyətə əlavə məlumat təqdim edəcəyik.

www.24news.ge

Yusubova bacıları əmlaklarının mənimsənildiyini və polis təzyiqinə məruz qaldıqlarını bildirirlər (VİDEO)

Digər xəbərlər