Gürcüstanda siyasi partiyalara köçürülən ianələrin məbləği açıqlanıb

Gürcüstan Dövlət Audit Xidməti 2026-cı ildə 17 siyasi partiyanın xeyrinə həyata keçirilən 910 ianəni araşdırıb. İanələrin ümumi məbləği 6 milyon 565 min 361 lari təşkil edib. 24News.ge xəbər verir ki, Audit Xidməti parlamentə “Siyasi partiyaların, xarici agentlərin, xarici qrant alan və xarici qüvvələrin maraqlarını həyata keçirən subyektlərin maliyyə şəffaflığı haqqında” adlı hesabat təqdim edib. Hesabata əsasən, ən çox ianəni hakim “Gürcü Arzusu” partiyası alıb. Partiyaya 161 ianəçi tərəfindən ümumilikdə 5 milyon 522 min lari vəsait köçürülüb. Digər partiyaların aldığı ianələr aşağıdakı kimi olub: “Lelo” – 306 900 lari (24 ianəçi); “Xalqın Gücü” – 273 000 lari (7 ianəçi); “Neytral Gürcüstan” – 197 329 lari (47 ianəçi); “Azadlıq Meydanı” – 125 106 lari (318 ianəçi); “Vahid Milli Hərəkat” – 51 097 lari (215 ianəçi); “Federalistlər” – 41 045 lari (50 ianəçi); Digər partiyalar – 48 524 lari (138 ianəçi). Audit Xidmətinin məlumatına görə, 2026-cı ildə 9 siyasi partiyanın reklam xərclərinin qanuniliyinə dair araşdırma aparılıb. Yoxlanılan reklam xərclərinin ümumi məbləği 1 milyon 159 min 58 lari olub. Siyasi reklam xərcləri üzrə “Gürcü Arzusu” 941 905 lari, “Xalqın Gücü” 113 515 lari, “Lelo” 68 567 lari, “Neytral Gürcüstan” 29 393 lari, digər partiyalar isə ümumilikdə 5 677,56 lari xərcləyib. Audit Xidməti bildirib ki, siyasi partiyaların maliyyə hesabatlılığı və şəffaflığının təmin olunması məqsədilə onlara məsləhət dəstəyi göstərilir. 2026-cı ildə 14 siyasi partiyaya ümumilikdə 54 telefon məsləhətləşməsi verilib.

www.24news.ge

Gürcüstanda siyasi partiyalara köçürülən ianələrin məbləği açıqlanıb

Digər xəbərlər