Rikoti magistral yolunu keçmək 35 dəqiqə çəkəcək – əsrin layihəsi sona yaxınlaşır

Rikoti magistral yolunu keçmək əvvəlki 1 saat 20 dəqiqə yerinə artıq cəmi 35 dəqiqə vaxt alacaq. 24News.ge xəbər verir ki, bu barədə Gürcüstan hökumətinin yaydığı məlumata qeyd olunur. Layihə əsrin layihəsi kimi qiymətləndirilir və Şərq-Qərb beynəlxalq magistral yolunun ən çətin hissəsi olan Rikoti sürətli avtomobil yolu dörd mərhələdə tikilir. Hazırda Xevi-Ubisa, Ubisa-Şorapani və Şorapani-Argveti arasında 4 zolaqlı yol tam istifadəyə verilib. Bundan əlavə, Çumateləti-Xevi arasındakı 11 kilometrlik yolun 7 kilometri nəqliyyat vasitələrinin hərəkətinə açıqdır. Bildirilir ki, ümumilikdə, Rikoti magistral yolunun 96%-i artıq istifadədədir. Hökumətin məlumatında qeyd olunub ki, yeni magistral yol bütün ətraf yaşayış məntəqələrini, o cümlədən Zestafoni şəhərini yan keçərək tranzit yükünü azaldacaq və hərəkət vaxtını əhəmiyyətli dərəcədə qısaldacaq. Rikoti magistral yolunun tikintisi 52 kilometr uzunluğunda yeni 4 zolaqlı yol, 51 tunel və 97 körpünü əhatə edir. Hazırda 48 kilometr uzunluğunda yeni yol istifadə olunur ki, bu da səyahət məsafəsini 8 kilometr azaldır və hərəkət vaxtını təxminən yarıbayarı qısaldır. Layihənin ümumi dəyəri təxminən 2,6 milyard lari təşkil edir və Asiya İnkişaf Bankı (ADB), Avropa İnvestisiya Bankı (EIB), Dünya Bankı (WB) kreditləri və Gürcüstan büdcəsinin maliyyələşdirilməsi ilə həyata keçirilir.

www.24news.ge

Rikoti magistral yolunu keçmək 35 dəqiqə çəkəcək – əsrin layihəsi sona yaxınlaşır

Digər xəbərlər