Marneulidə baş verən insidentlə bağlı DİN-dən açıqlama

19 sentyabr tarixində, axşam saat 20:30 radələrində Marneuli şəhərində baş vermiş insidentlə bağlı Daxili İşlər Nazirliyi tərəfindən istintaq başlanılıb. 24News.ge xəbər portalının sorğusuna cavab olaraq Daxili İşlər Nazirliyindən bildirilib ki, hadisə ilə bağlı istintaq Cinayət Məcəlləsinin 126-cı maddəsinin birinci hissəsi ilə aparılır. Həmin maddə yetkinlik yaşına çatmayan, köməksiz vəziyyətdə olan, əlilliyi olan şəxsə və ya hamilə qadına qarşı zorakılıq törədilməsini nəzərdə tutur. Hadisə ilə bağlı hər hansı bir şəxsin saxlanılıb-saxlanılmadığı barədə nazirlik tərəfindən məlumat verilməyib. Xatırladaq ki, Marneuli Bələdiyyə Məclisi sədrinin müavini Riçard Qiqaninin oğlu Mamuka Qiqani "Melody" şirniyyat evinə gələrək orada çalışan yeniyetmədən gürcü dilində danışmağı tələb edib. Yeniyetmə gürcü dilində cavab verə bilmədikdə, həmin şəxs ona şillə vurub. Bu zaman ətrafda olan vətəndaşlarla Mamuka Qiqani arasında qarşıdurma yaranıb.

www.24news.ge

Marneulidə baş verən insidentlə bağlı DİN-dən açıqlama

Digər xəbərlər