Marneulidə gürcü dili tələbi zəmnində şirniyyat evində insident yaşanıb (VİDEO)

Bu gün axşam saat 20:30 radələrində Marneuli şəhərində insident baş verib. 24News.ge xəbər portalına daxil olan məlumata əsasən, hadisə zamanı bir nəfər şəxs "Melody" şirniyyat evinə gələrək orada çalışan yeniyetmədən gürcü dilində danışmağı tələb edib. Məlumata görə, yeniyetmə gürcü dilində cavab verə bilmədikdə həmin şəxs ona şillə vurub. Bu zaman ətrafda olan vətəndaşlarla həmin şəxs arasında qarşıdurma yaşanıb. Bildirilir ki, hadisəni törədən şəxs Marneuli Bələdiyyə Məclisinin sədr müavini Riçard Qiqaninin oğlu Mamuka Qiqanidir. Hadisə yerinə hüquq-mühafizə orqanlarının əməkdaşları cəlb olunub və adıçəkilən şəxsin polis şöbəsinə aparıldığı qeyd olunur. 24News.ge xəbər portalı faktla bağlı Daxili İşlər Nazirliyindən əlavə məlumat almağa çalışır.

www.24news.ge

Marneulidə gürcü dili tələbi zəmnində şirniyyat evində insident yaşanıb (VİDEO)

Digər xəbərlər