Ərdoğan administrasiyası İsrail hökumətinin açıqlamasına cavab verib

Türkiyə Prezidenti Rəcəb Tayyib Ərdoğanın administrasiyası İsrail hökumətinin Türkiyə prezidentinə qarşı səsləndirdiyi fikirlərə münasibət bildirib. 24News.ge xəbər verir ki, Ərdoğan administrasiyasının yaydığı bəyanatda İsrail hökumətinin Ərdoğanla bağlı “tarixi faktlardan və siyasi ciddilikdən məhrum” açıqlamasının İsrail hökumətinin “nə qədər aciz vəziyyətə düşdüyünü” göstərdiyi bildirilib. Bəyanatda qeyd olunub ki, İsrail hökuməti bəşəriyyətə qarşı törədilən cinayətlərə görə məsuliyyətdən yayınmağa çalışır. Ərdoğan administrasiyası İsrailin Baş naziri Benyamin Netanyahunun və onun komandasının mövqeyini “ucuz siyasi manevr” adlandırıb. Bildirilib ki, bu addım Netanyahunun seçkilərdə şəxsi üstünlük əldə etmək məqsədi də daşıyır. “Netanyahu administrasiyasının Türkiyəni yeni təhlükə kimi təqdim etmək cəhdi məhz bu ucuz siyasətin bir hissəsidir. Daxili siyasi rəqabət səbəbindən həyata keçirilən təhdid xarakterli siyasət və gərginliyin eskalasiyası təkcə İsrail cəmiyyəti üçün deyil, regional və qlobal sülh və sabitlik üçün də ciddi risklər yaradır”, – deyə bəyanatda vurğulanıb. Qeyd edək ki, bundan əvvəl İsrail hökuməti Türkiyə Prezidenti Rəcəb Tayyib Ərdoğanı “antisemit diktator” adlandırıb. İsrail Baş nazirinin ofisinin açıqlamasında Ərdoğanın İsrailə qarşı təcavüzü Suriyaya da yaymağa çalışdığı iddia edilib. İsrail tərəfi həmçinin Türkiyənin regionu sabitsizləşdirmək cəhdlərinə qarşı güc tətbiq etməyə davam edəcəyini bildirib.

www.24news.ge

Ərdoğan administrasiyası İsrail hökumətinin açıqlamasına cavab verib

Digər xəbərlər