Ov mövsümünün ilk 12 saatında 40 qanun pozuntusu aşkarlanıb

Ətraf Mühitin Mühafizəsi və Kənd Təsərrüfatı Nazirliyinin Ətraf Mühitə Nəzarət Departamentinin əməkdaşları köçəri quşların ovlanması mövsümünün başlamasından sonrakı 12 saat ərzində ölkə üzrə 40 qanun pozuntusu aşkarlayıb. 24News.ge xəbər verir ki, bu barədə Ətraf Mühitə Nəzarət Departamenti məlumat yayıb. Məlumata görə, aşkarlanan pozuntulardan 10-u qadağan olunmuş silah, üsul və ya vasitələrdən istifadə etməklə ov, 4-ü ov üçün müəyyən edilmiş rüsumun ödənilməməsi ilə bağlı olub. Digər 10 halda isə şəxslər ovlanması qadağan edilən ərazilərdə – şəhər ərazisində ov ediblər. Ov mövsümünün başlamasından sonrakı 12 saat ərzində departament əməkdaşları tərəfindən 19 qanunsuz vasitə də müsadirə edilib. Bunlar quşları cəlb etmək üçün istifadə olunan səs cihazları – “manok”lar olub. Departament bildirir ki, köçəri quşların ovlanması mövsümü ərzində ölkə üzrə nəzarət tədbirləri daha da gücləndiriləcək. Brakonyerliyə qarşı mübarizə çərçivəsində yüksək keçid qabiliyyətinə malik avtomobillər, o cümlədən xüsusi buggy avtomobillər, dronlar, fototələlər və termal durbinlərdən istifadə olunur. Qeyd olunub ki, müasir texnologiyaların tətbiqi və departamentin imkanlarının genişləndirilməsi nəticəsində ətraf mühit sahəsində dövlət nəzarətinin effektivliyi artırılıb.

www.24news.ge

Ov mövsümünün ilk 12 saatında 40 qanun pozuntusu aşkarlanıb

Digər xəbərlər