DİN-dən Algeti kəndində baş verən bıçaqlanma ilə bağlı açıqlama

Ötən gün Marneuli bələdiyyəsinin Algeti kəndində baş verən bıçaqlanma ilə bağlı bir nəfər saxlanılıb. Bu barədə 24News.ge xəbər portalına Daxili İşlər Nazirliyindən məlumat verilib. Nazirlikdən bildirilib ki, istintaq Cinayət Məcəlləsinin 120-ci (Sağlamlığa qəsdən yüngül zərər vurma) maddəsi ilə başlayıb. Mövcud məlumata görə, ciddi psixoloji problemləri olan şəxsi psixiatrik xəstəxanaya yerləşdirmək istəyən üç nəfər yaxın qohumu həmin şəxs tərəfindən bıçaqla xəsarət alıb. Yaralılar Marneulidəki klinikalardan birinə yerləşdirilib və müalicə aldıqdan sonra hər üçü evə buraxılıb. Qeyd edək ki, Cinayət Məcəlləsinin 120-ci maddəsi (qəsdən sağlamlığa yüngül xəsarət yetirmə) 3 ilədək azadlıqdan məhrumetmə cəzasını nəzərdə tutur.

www.24news.ge

DİN-dən Algeti kəndində baş verən bıçaqlanma ilə bağlı açıqlama

Digər xəbərlər