Bölgələrdə Quran kurslarında təhsil alan yeniyetmə oğlan və qızlara sertifikatlar təqdim olunub (FOTO)

Marneuli şəhərində Allahın son höccəti, bəşəriyyətin xilaskarı Hz. İmam Mehdinin (ə.c) mübarək mövludu münasibətilə möhtəşəm mərasim keçirilib. 24News.ge xəbər verir ki, tədbirdə Quran kurslarında təhsil alan yeniyetmə oğlan və qızlara sertifikatlar, müəllim və müəllimlərə isə hədiyyələr təqdim olunub. Qurani-Kərimin üzündən düzgün və sərbəst oxunuşu üzrə təşkil olunan yarşıda ölkənin müxtəlif yerlərindən ümumumilikdə 500-dən çox şagird iştirak edib. Sertifikatların təqdim olunması ilə bağlı Marneulidə baş tutan tədbirdə din xadimləri, ruhanilər, quran kurslarını tədris edən müəllimlər və şagirdlər iştirak ediblər. Tədbir ilk öncə müqəddəs Qurani-Kərimdən ayələrin tilavəti ilə başlayıb. Daha sonra mərasimi açıq elan edən Gürcüstan Müsəlmanları İdarəsinin Şeyxi Hacı Faiq Nəbiyev zamanın İmamı və bəşəriyyətin son xilaskarı Hz. İmam Məhdinin (ə.c) qeybdə olmasının mahiyyəti, faydaları və fəzilətləri barədə geniş danışıb. Şeyx həmçinin şagirdləri təbrik edib, onlara uğurlar diləyib, Qurani-Kərimin təlim və tədrisi sahəsində zəhmət çəkən ustadlarına təşəkkür edib. O, müqəddəs kəlamı öyrənən şagirdlərin hər birinin Allah yanında qalib hesab olduğunu söyləyib. Tədbirin davamında çıxış edən hörmətli ruhani Hacı Əli Əliyev və digər natiqlər zamanın İmamı Hz. İmam Məhdinin (ə.c) qeyb dövürndən və müsəlmanların bu günkü günü üzərinə düşən öhdəliklərindən danışıblar. Tədbirdə Marneulinin Baş Axundu Hacı Əziz Nəbiyev, “Əhlibeyt” Cəmiyyətinin sədri Hacı Rasim Məmmədov və digər ruhanilər, ziyalılar da iştirak ediblər. Bayram süfrəsi ətrafında keçirilən tədbir məddah Səid Həsənin ifasında ruhu oxşayan ilahilər və tələbələrin şeirlərli ilə davam edib. Sonda Quran kurslarında təhsil alan azyaşlı yeniyetmə oğlan və qızlara sertifikatlar, müəllim və müəllimlərə isə hədiyyələr təqdim olunaraq mükafatlandırılıblar.

www.24news.ge

Bölgələrdə Quran kurslarında təhsil alan yeniyetmə oğlan və qızlara sertifikatlar təqdim olunub (FOTO)

Digər xəbərlər