Dmanisidə mal-qarada quduzluq aşkarlanıb – Karantin elan ediləcək

Dmanisi bələdiyyəsinin Qanaxlеba kəndində iki baş iribuynuzlu mal-qarada quduzluq xəstəliyi laborator müayinə nəticəsində təsdiqlənib. 24News.ge xəbər verir ki, bu barədə Milli Qida Agentliyi məlumat yayıb. Agentliyin məlumatına görə, heyvanların sahibləri onların bədənində dişləmə izlərinin olmadığını bildiriblər. Milli Qida Agentliyinin əməkdaşları hazırda infeksiya ocağında səhiyyə mütəxəssisləri ilə birlikdə işləyirlər. Xəstəliyin yayılmasının qarşısının alınması məqsədilə qanunvericiliyə uyğun olaraq müvafiq tədbirlər həyata keçiriləcək. Belə ki, infeksiya ocağında karantin elan ediləcək, quduzluğa həssas heyvanlar peyvənd olunacaq, dezinfeksiya işləri aparılacaq və heyvanların hərəkətinə məhdudiyyət qoyulacaq. Həmçinin quduzluğa həssas heyvanların sağlamlıq vəziyyətinə nəzarət gücləndiriləcək. Epidemioloji araşdırma isə Kvemo Kartli departamentinin mütəxəssisləri tərəfindən aparılacaq.

www.24news.ge

Dmanisidə mal-qarada quduzluq aşkarlanıb – Karantin elan ediləcək

Digər xəbərlər