Tbilisidə Əl-Mustafa məzunları ilə ilk ümumi görüş keçirilib (FOTO)

Paytaxt Tbilisi şəhərində Beynəlxalq Əl-Mustafa universitetinin Gürcüstan nümayəndiliyinin təşkilatçılığı ilə keçmiş məzunlarla ilk ümumi görüş keçirilib. 24News.ge xəbər verir ki, Universitetin Gürcüstan nümayəndiliyinin təşkil etdiyi ilk görüşdə, Seyyid Həsən Rəbbani, onu müşaiyət eliyən nümayəndə heyəti və hal-hazırda Gürcüstanın müxətlif regionlarında elmi-mədəni və dini maarifləndirmə sahəsində fəaliyyət göstərən ilahiyyatçılar və din xadimləri iştirak ediblər. Mərasim ilahiyyatçı Rahid Kərimovun Qurani-Kərimdən bir neçə ayələrin zikri ilə başlayıbv. Görüşün davamında tədbirin moderatoru Bəşər Məmmədov sözü Əl-Mustafa beynəlxalq universitetinin Gürcüstan nümayəndiliyin sədri Dr.Həsən Yusifzadəyə verib. H. Yusifzadə qonaqları salamlayıb, keçirilən görüşün əhəmiyyətini qeyd edib və tədbir iştirakçılarına Əl-Mustafa beynəlxalq universitetinin Gürcüstan nümayəndiliyin səmərəli fəaliyyəti barədə ümumi məlumat verib. Tədbirin davamında Seyyid Həsən Rəbbani məzunlara öz tövsiyyələrini verib və elmi-mədəni və dini maarifçiliyin əsas şərtləri, ictimai əhəmiyyəti barədə danışıb. Daha sonra isə, ilahiyyatçı Hacı Əziz Nəbiyevin din xadimlərinin ictimai və dini məsuliyyəti barədə mühüm olan məqamlara toxunub. Sonda məzunların təklif və iradları dinlənilib və görüş səmərəli formada başa çatıb.

www.24news.ge

Tbilisidə Əl-Mustafa məzunları ilə ilk ümumi görüş keçirilib (FOTO)

Digər xəbərlər