Gürcüstanda orta aylıq əmək haqqının miqdarı açıqlandı...

2023-cü ilin ikinci rübündə Gürcüstanda orta aylıq nominal əmək haqqı ötən ilin müvafiq dövrü ilə müqayisədə 17.1% (263.2 lari) artaraq 1804,5 lari təşkil edib. 24News.ge xəbər verir ki, bu barədə Gürcüstanın Milli Statistika Xidməti məlumat yayıb. Agentliyin hesabatına əsasən, fəaliyyət növlərinə görə aşağıdakı sahələrdə nisbətən yüksək maaşlar qeydə alınıb: ● İnformasiya və rabitə - 3 799,8 lari (əvvəlki ilin müvafiq dövrü ilə müqayisədə 22.2% artıb); ● Maliyyə və sığorta fəaliyyəti - 3 181,4 lari (19.1% artıb); ● Tikinti - 2 590,3 lari (18.9% artıb); ● Peşə, elmi və texniki fəaliyyət - 2 525,0 lari (25.1% artıb). Bildirilir ki, qeyd edilən dövrdə qadınların orta aylıq əmək haqqı 1437,1 lari, kişilərin isə 2161,6 lari təşkil edib. Əmək haqqının illik artımı qadınlarda 196,5 lari (15.8%), kişilərdə isə 333,2 lari (18,2%) olaraq qeydə alınıb. Orta aylıq əmək haqqına görə regionlar arasında Tbilisi və Acarıstan Muxtar Respublikası liderdir.

www.24news.ge

Gürcüstanda orta aylıq əmək haqqının miqdarı açıqlandı...

Digər xəbərlər