Yeni DTX rəhbərindən ilk açıqlama: “20 ildən artıqdır ölkəmizin milli maraqlarına xidmət edirəm”

Gürcüstan Dövlət Təhlükəsizliyi Xidmətinin (DTX) rəhbəri vəzifəsinə Baş nazir İrakli Kobaxidze tərəfindən namizədliyi irəli sürülən Tamaz Boraşvili açıqlama verib. 24News.ge xəbər verir ki, Boraşvili hökumət administrasiyasında İrakli Kobaxidze ilə birgə keçirdiyi brifinqdə bildirib ki, 20 ildən artıqdır ölkənin milli maraqlarına xidmət edir. “20 ildən artıqdır ki, ölkəmizin milli maraqlarına xidmət edirəm. Seçiləcəyim təqdirdə bu vəzifəni tutmaq mənim üçün xüsusi şərəf olacaq”, – deyə Boraşvili bildirib. O, DTX-nın keçmiş rəhbəri Gela Geladzeyə yeni fəaliyyətində uğurlar arzulayıb və parlament tərəfindən təsdiqlənəcəyi təqdirdə ölkənin maraqlarının qorunmasına “ikiqat enerji ilə” çalışacağını qeyd edib: “Baş nazirə göstərdiyi etimada və Dövlət Təhlükəsizliyi Xidmətinin rəhbəri vəzifəsinə namizədliyimi irəli sürdüyünə görə təşəkkür edirəm. Parlament tərəfindən etimad göstəriləcəyi təqdirdə, ölkəmizin maraqlarının qorunmasına ikiqat enerji ilə başlayacağam”, – deyə Boraşvili vurğulayıb. Boraşvili Gela Geladzeyə də xidmət müddətində rəhbərliyinə görə təşəkkür edib və onun yeni fəaliyyətində uğurlar arzulayıb. Qeyd edək ki, Gela Geladze bu gün Dövlət Təhlükəsizliyi Xidmətinin rəhbəri vəzifəsindən istefa verdiyini açıqlayıb. Tamaz Boraşvili isə indiyədək DTX rəhbərinin müavini vəzifəsində çalışıb.

www.24news.ge

Yeni DTX rəhbərindən ilk açıqlama: “20 ildən artıqdır ölkəmizin milli maraqlarına xidmət edirəm”

Digər xəbərlər