Gürcüstanda günəbaxan yağının qiyməti yenidən ucuzlaşa bilər

Gürcüstanda günəbaxan yağının qiyməti yaxın vaxtlarda yenidən ucuzlaşa bilər. 24News.ge xəbər verir ki, buna səbəb sözügedən məhsulun əsas idxalçı ölkəsi olan Rusiyada ixrac vergisinin azaldılmasıdır. Məlum olduğu kimi, Rusiya günəbaxan yağının ixrac vergisini mayın 1-dən etibarən 19,8% azaldıb. Gürcüstanın əsas günəbaxan yağı idxalçısı Rusiya olduğu üçün oradakı ixrac vergisinin azaldılmasının idxalın maya dəyərinə də təsir edəcəyi gözlənilir. Məlumata əsasən, yanvar ayında Gürcüstan Rusiyadan günəbaxan yağının bir tonunu 1347 dollara alıbsa, martda bu qiymət 1237 dollara düşüb. Daha dəqiq desək, 2023-cü ilin yanvarında Rusiyadan 2 milyon 373 min dollar dəyərində 1762 ton, martda isə 3 milyon 654 min dollar dəyərində 2953 ton günəbaxan yağı idxal edilib. Ümumi göstəriciyə gəlincə, 2023-cü ilin birinci rübündə Gürcüstan 8 milyon 477 min dollar dəyərində 6510 ton günəbaxan yağı (bir ton üçün orta qiymət 1302 dollar) günəbaxan yağı alıb. Qeyd edək ki, 2023-cü ilin birinci rübündə (yanvar-mart aylarında) Gürcüstan dünyanın 11 ölkəsindən günəbaxan yağı idxal edib. Ümumi idxalın 93.7%-i isə Rusiyanın payına düşüb.

www.24news.ge

Gürcüstanda günəbaxan yağının qiyməti yenidən ucuzlaşa bilər

Digər xəbərlər