Son Dəqiqə! İlham Əliyev Şuşanın azad olunduğunu açıqladı

Az öncə Azərbaycan Respublikasının Prezidenti İlham Əliyev və birinci xanım Mehriban Əliyeva Fəxri xiyabanda və Şəhidlər xiyabanında olub və onları yad ediblər. 24News.ge xəbər verir ki, İlham Əliyev daha sonra xalqa müraciət edib. İlham Əliyev müraciətində Şuşanın işğaldan azad olunduğunu açıqlayıb. O deyib ki, 30 ildir işğal altında olan Şuşanın bütün tarixi dini abidələri dağıdılıb, Əliyev deyib ki, biz bütün abidələrimizi və məscidlərimizi bərpa edəcəyik və Şuşada yenidən Azan səsi gələcək. İlham Əliyev qeyd edib ki, biz neçə illərdir ki, güclənmək üçün çalışırdıq və bu gün əgər biz istər iqdisadi istərsə də hərbi gücə malik olmasaydıq indi bu qələbəni əldə edə bilməzdik. Əliyev bu gün Azərbaycanın heç bir ölkədən asılı olmadığını və bundan sonrada Azərbaycan xalqı ilə birlikdə öz qələbəmizi davam etdirəcəyimizi qeyd edib. Prezident müraciətində xalqı təbrik edib: "Böyük fəxarət və qürur hissi ilə bəyan edirəm ki, Şuşa şəhəri işğaldan azad edildi! Şuşa bizimdir! Qarabağ bizimdir! Azərbaycan xalqı bu gün tarixi bir gün yazdı. Bu münasibətlə bütün Azərbaycan xalqını ürəkdən təbrik edirəm! Bütün Şuşalıları ürəkdən təbrik edirəm".

www.24news.ge

Son Dəqiqə! İlham Əliyev Şuşanın azad olunduğunu açıqladı

Digər xəbərlər