Quşçu kəndində yeni içməli su sistemi istifadəyə verilib (FOTO)

Marneuli bələdiyyəsinin Quşçu kəndində içməli su sisteminin qurulması layihəsi başa çatıb. 24News.ge xəbər verir ki, görülən işlərlə Marneuli Munisipalitetinin meri Daur İsmayılov tanış olub və kənd sakinləri ilə görüş keçirib. Layihə çərçivəsində kənddə 200 metr dərinliyində yeni su quyusu qazılıb, 25 kubmetr həcmində metal qüllə-rezervuar, xlorlaşdırma stansiyası və ümumi uzunluğu 7 785 metr olan su təchizatı paylayıcı şəbəkəsi qurulub. Bildirilib ki, yeni su təchizatı sistemindən ümumilikdə 126 abonent yararlanacaq. Layihə Regional İnkişaf Fondu və yerli büdcənin birgə maliyyələşdirilməsi ilə həyata keçirilib. Layihənin ümumi dəyəri 840 min lariyə yaxındır.

www.24news.ge

Quşçu kəndində yeni içməli su sistemi istifadəyə verilib (FOTO)

Digər xəbərlər