Məktəbli formalarının birinci partiyası artıq ölkəyə gətirilib

Birinci sinif şagirdlərinin təmin olunması üçün məktəbli formalarının birinci partiyası artıq ölkəyə gətirilib. 24News.ge xəbər verir ki, bu barədə “Təhsil Resursları” məlumat yayıb. Məlumata görə, ilk mərhələdə gətirilən məktəbli formalarının sayı ölkə üzrə bütün birinci sinif şagirdlərinin təmin olunması üçün kifayətdir. Hazırda formaların anbarlara yerləşdirilməsi prosesi aparılır. Bildirilib ki, yaxın günlərdə məktəbli formalarının böyük şəhərlərə və regionlara çatdırılmasına başlanılacaq və müxtəlif şəhər və regionlarda məktəbli formalarının satış məntəqələrinin harada fəaliyyət göstərəcəyi barədə ictimaiyyətə məlumat veriləcək. Birinci sinif şagirdləri üçün məktəbli formalarının satışı ölkə üzrə sentyabrın 1-dən 14-dək həyata keçiriləcək. II–VI sinif şagirdləri üçün məktəbli formalarının təhvil verilməsi isə Gürcüstanda iki mərhələdə – oktyabrın 15-də və noyabrın 30-da həyata keçiriləcək. Qeyd edək ki, 2026–2027-ci tədris ili üçün dövlət məktəblərinin ibtidai sinif şagirdlərinə məktəbli formalarını “Təhsil Resursları” MMC Çində yerləşən “Glory Textile Industry” şirkətindən alıb. Sözügedən şirkət Çində yaradılıb, Gürcüstanda isə 2026-cı ilin mart ayında qeydiyyatdan keçib.

www.24news.ge

Məktəbli formalarının birinci partiyası artıq ölkəyə gətirilib

Digər xəbərlər