Tramp Türkiyədən qayıdarkən təhlükə səbəbindən təyyarəsinin gizli şəkildə dəyişdirildiyini təsdiqləyib

ABŞ Prezidenti Donald Tramp ötən ay NATO sammitindən sonra Türkiyədən qayıdarkən mümkün təhlükə səbəbindən təyyarəsinin gizli şəkildə dəyişdirildiyini təsdiqləyib. 24News.ge xəbər verir ki, Tramp jurnalistlərə açıqlamasında bildirib ki, bu qərar ABŞ Məxfi Xidməti və hərbçilərin göstərişi ilə qəbul edilib. “Məxfi Xidmətin və hərbçilərin göstərişlərinə əməl edirəm. Onlar istəyirdilər ki, başqa reyslə, başqa təyyarə ilə uçum. Sadəcə onların dediklərini etməliyəm”, – deyə Tramp bildirib. Bundan əvvəl mediada ABŞ prezidentinin ötən ay Türkiyədən gizli hərbi reyslə ayrıldığı barədə məlumat yayılmışdı. Məlumata görə, əməliyyat çərçivəsində qeyri-adi maskalanma tədbiri həyata keçirilib və Tramp bir təyyarədən digərinə yemək xidməti üçün istifadə olunan yük maşını vasitəsilə keçirilib. Bunun səbəbinin İran tərəfindən prezidentə qarşı mümkün sui-qəsd təhlükəsi olduğu bildirilirdi. Həmin vaxt Ağ Ev Trampın NATO sammitində iştirak etdiyi Türkiyədən Böyük Britaniyaya Air Force One təyyarəsi ilə uçduğunu açıqlamışdı. Lakin Washington Post qəzetinin məlumatına görə, Tramp Ankarada kameralar qarşısında Air Force One təyyarəsinə minib. Daha sonra isə gizli şəkildə hava limanında yemək xidməti üçün istifadə olunan yük maşını ilə daha kiçik təyyarəyə – ABŞ Hərbi Hava Qüvvələrinin C-32A təyyarəsinə keçirilib. ABŞ rəsmiləri CBS News-a bildiriblər ki, ABŞ kəşfiyyatı İran tərəfindən Trampın olduğu təyyarəyə raket atılması ilə bağlı real təhlükə müəyyən edib. Məlumata görə, Trampın olduğu C-32A təyyarəsi Böyük Britaniyaya təxminən saat 22:20-də enib. Köhnə Air Force One və media nümayəndələri isə bir neçə dəqiqə sonra ölkəyə çatıb. The Washington Post yazır ki, Trampın C-32A-dan yenidən əvvəlki Air Force One təyyarəsinə necə keçirildiyi isə hələ də məlum deyil.

www.24news.ge

Tramp Türkiyədən qayıdarkən təhlükə səbəbindən təyyarəsinin gizli şəkildə dəyişdirildiyini təsdiqləyib

Digər xəbərlər