Rustavidə avtomobil gətirmək adı ilə 75 min laridən çox pul mənimsəyən şəxs saxlanılıb

Kvemo Kartli Polis Departamentinin Rustavi Şəhər İdarəsinin əməkdaşları külli miqdarda pul vəsaitini dələduzluq yolu ilə mənimsəməkdə şübhəli bilinən bir nəfəri saxlayıblar. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata görə, saxlanılan şəxs vətəndaşlara ABŞ-dan Gürcüstana avtomobillər gətirəcəyini vəd edib və onlardan onun göstərdiyi bank hesabına ümumilikdə 75 104 lari köçürmələrini istəyib. Lakin o, üzərinə götürdüyü öhdəlikləri yerinə yetirməyib və köçürülən pulu qanunsuz olaraq mənimsəyib. Hüquq-mühafizə orqanlarının əməkdaşları əməliyyat tədbirləri və istintaq hərəkətləri nəticəsində şübhəli şəxsi Qoridə saxlayıblar. Faktla bağlı Cinayət Məcəlləsinin 180-ci maddəsi ilə istintaq aparılır. Həmin maddə 9 ilədək azadlıqdan məhrumetmə cəzasını nəzərdə tutur.

www.24news.ge

Rustavidə avtomobil gətirmək adı ilə 75 min laridən çox pul mənimsəyən şəxs saxlanılıb

Digər xəbərlər