Kobaxidze Liderlər Sammitində deyib: "2026–2028-ci illərdə Gürcüstan Avropa ölkələri arasında ən yüksək iqtisadi artıma nail olacaq"

"Gürcüstan iqtisadi inkişafın yüksək tempini qoruyub saxlayır. 2026-cı ilin ilk səkkiz ayı ərzində ölkədə orta iqtisadi artım göstəricisi 7,6 faiz təşkil edib". 24News.ge xəbər verir ki, bu barədə Baş nazir İrakli Kobaxidze Ermənistanda keçirilən COP17 Liderlər Sammitində çıxışı zamanı bildirib. Baş nazirin sözlərinə görə, hökumətin əsas prioritetlərindən biri iqtisadi artımın nəticələrinin kənd və dağlıq bölgələrdə yaşayan əhaliyə də çatmasını təmin etməkdir: “Gürcüstan iqtisadi inkişafın yüksək tempini qoruyub saxlayır. 2026-cı ilin ilk səkkiz ayı ərzində orta iqtisadi artım göstəricisi 7,6 faiz təşkil edib. Dünya Bankı bu yaxınlarda Gürcüstanın 2026-cı il üzrə iqtisadi artım proqnozunu 7 faizə yüksəldib. Həmin təşkilatın proqnozuna əsasən, 2026–2028-ci illərdə Gürcüstan Avropa ölkələri arasında ən yüksək iqtisadi artım göstəricisinə nail olacaq. Bizim prioritetimiz iqtisadi artımın nəticələrinin kənd və dağlıq bölgələrdə yaşayan əhaliyə də çatmasını təmin etməkdir. Bu əhalinin dolanışıq mənbələri birbaşa təbii resurslardan asılıdır. Məhz buna görə də qorunan əraziləri, meşələrin bərpasını və dayanıqlı turizmi yerli inkişafın əsas hərəkətverici qüvvəsinə çeviririk. Məqsədimiz təbiətin qorunmasının yalnız böyük şəhərlərdə deyil, onlardan kənarda da yeni iş yerləri və imkanlar yaratmasıdır. Uzunmüddətli nəticələr əldə etmək üçün sərhədlərdən kənarda da əməkdaşlıq tələb olunur. Cənubi Qafqazda ortaq ekosistemlər regional tərəfdaşlığın dərinləşdirilməsi və dayanıqlı inkişaf üçün mühüm zəmin yaradır. Gürcüstan ortaq təbii irsimizi qorumaq məqsədilə qonşu ölkələrlə sıx əməkdaşlığa hazırdır”, – deyə baş nazir bildirib.

www.24news.ge

Kobaxidze Liderlər Sammitində deyib: "2026–2028-ci illərdə Gürcüstan Avropa ölkələri arasında ən yüksək iqtisadi artıma nail olacaq"

Digər xəbərlər