Tbilisidən Batumiyə qatarla 4 saata, Axaltsixeyə isə 3 saata getmək mümkün olacaq

Baş nazir İrakli Kobaxidzenin açıqlamasına əsasən, Tbilisi–Axaltsixe dəmir yolu xəttinin bərpası başa çatmaq üzrədir. İşlər tamamlandıqdan sonra paytaxtdan Axaltsixeyə səfər müddəti 6 saatdan 3 saata qədər azalacaq. 24News.ge xəbər verir ki, Baş nazirin sözlərinə görə, Tbilisi–Kutaisi istiqamətində yeni sərnişin qatarının istifadəyə verilməsi, həmçinin Borjomi–Bakuriani tarixi dəmir yolu xəttinin bərpası da planlaşdırılır. İrakli Kobaxidze Dəmir Yolu İşçiləri Gününə həsr olunmuş tədbirdə çıxışı zamanı bildirib ki, yeni sərnişin qatarlarının alınması ilə yanaşı, mövcud qatarların da yenilənməsi istiqamətində işlər aparılır. Baş nazirin qeyd etdiyinə görə, həyata keçirilən dəyişikliklər nəticəsində Tbilisi–Batumi marşrutu üzrə səfər müddəti 5,5 saatdan 4 saata endirilib. Bununla yanaşı, yük qatarlarının Gürcüstan ərazisini keçmə müddəti də yarıya qədər azaldılıb. Kobaxidzenin sözlərinə görə, bu dəyişikliklər ölkənin tranzit imkanlarının gücləndirilməsi baxımından mühüm əhəmiyyət daşıyır. Baş nazir əlavə edib ki, 2026-cı ilin ilk 9 ayının nəticələrinə əsasən, dəmir yolu ilə yük daşımalarının həcmi 13 faiz artaraq son on ilin rekord səviyyəsinə çatıb.

www.24news.ge

Tbilisidən Batumiyə qatarla 4 saata, Axaltsixeyə isə 3 saata getmək mümkün olacaq

Digər xəbərlər