İlham Əliyev Ramzan Kadırovu qəbul edib (FOTO)

Oktyabrın 10-da Azərbaycan Prezidenti İlham Əliyev Rusiya Federasiyasının Çeçenistan Respublikasının başçısı Ramzan Kadırovu qəbul edib. 24News.ge xəbər verir ki, görüş zamanı tərəflər xalqlar arasında tarixi dostluq münasibətlərini vurğulayıb, müxtəlif sahələrdə əməkdaşlığın perspektivlərini müzakirə ediblər. İlham Əliyev Azərbaycan və çeçen xalqları arasında münasibətlərin əsrlərə söykəndiyini qeyd edib, Çeçenistanın inkişafı və təhlükəsizlik sahəsində əldə olunan nəticələrə toxunub. Ramzan Kadırov isə Azərbaycanla Çeçenistanı birləşdirən tarixi əlaqələrdən danışıb. O, 2024-cü ilin dekabrında Bakı-Qroznı təyyarəsinin qəzaya uğraması nəticəsində həlak olanlarla bağlı Azərbaycan xalqına bir daha başsağlığı verib və bölgədə sülh və sabitliyin qorunacağına ümid etdiyini bildirib. Kadırov, həmçinin Bakıda keçirilən cüdo üzrə dünya çempionatına toxunaraq Azərbaycan idmançılarını təbrik edib və birgə idman tədbirlərinin faydalı olacağını qeyd edib. Görüşdə Azərbaycan və Çeçenistan xalqları arasında münasibətlərin daha da yaxınlaşdırılması, eləcə də müxtəlif sahələrdə əməkdaşlığın inkişafı məsələləri ətrafında fikir mübadiləsi aparılıb.

www.24news.ge

İlham Əliyev Ramzan Kadırovu qəbul edib (FOTO)

Digər xəbərlər