Gürcüstanda ən yüksək orta əməkhaqqı olan regionların adları açıqlanıb

Gürcüstanda orta aylıq əməkhaqqının ən yüksək olduğu bölgələr Tbilisi və Mtsxeta-Mtianetidir. 24News.ge xəbər verir ki, bu barədə Gürcüstanın Milli Statistika Xidmətinin (Sakstat) məlumatlarında qeyd olunub. Sakstatın məlumatına əsasən, ölkədə muzdla çalışanların orta nominal aylıq əməkhaqqı 2 165 lari təşkil edir. Bununla yanaşı, işçilərin böyük əksəriyyətinin gəlir səviyyəsini daha yaxşı əks etdirən median əməkhaqqı 1 531 laridir. Bölgələr üzrə orta aylıq əməkhaqqı belədir: Tbilisi – 2 565 lari; Mtsxeta-Mtianeti – 1 975 lari; Kvemo Kartli – 1 800 lari; Acarıstan Muxtar Respublikası – 1 789 lari; Sameqrelo-Zemo Svaneti – 1 439 lari; Kaxeti – 1 384 lari; Samtsxe-Cavaxeti – 1 344 lari; İmereti – 1 340 lari; Şida Kartli – 1 318 lari; Quriya – 1 276 lari; Raça-Leçxumi və Kvemo Svaneti – 1 138 lari. Qeyd edək ki, 2025-ci ildə median əməkhaqqı əvvəlki illə müqayisədə 14,9 faiz artsa da, orta və median əməkhaqqı arasındakı fərq yüksək olaraq qalır və 29,3 faiz təşkil edir.

www.24news.ge

Gürcüstanda ən yüksək orta əməkhaqqı olan regionların adları açıqlanıb

Digər xəbərlər