Baş nazir: “ABŞ Rusiyadan dizel alır, sanksiyalara qoşulmamaqla düzgün qərar vermişik”

Baş nazir İrakli Kobaxidze Rusiyaya qarşı sanksiyalara qoşulmamaq qərarının düzgün olduğunu bildirib. 24News.ge xəbər verir ki, baş nazir bu barədə jurnalistlərin ABŞ-ın Rusiya dizelinə tətbiq olunan məhdudiyyətləri yumşaltması ilə bağlı sualını cavablandırarkən danışıb. Kobaxidzenin sözlərinə görə, ABŞ-ın bu addımı Gürcüstanın vaxtilə Rusiyaya qarşı sanksiyalara qoşulmamaq qərarının əsaslı olduğunu bir daha göstərir: “Yadınızdadırsa, vaxtilə Rusiyaya qarşı sanksiyalara qoşulmadıq və bunun ardınca nə qədər böyük kampaniya aparıldı. İndi isə bu fonda sanksiyaların yumşaldıldığını görürük. Bir daha aydın oldu ki, vaxtilə Rusiyaya qarşı sanksiyalara qoşulmamaqla tamamilə rasional, praqmatik, düzgün və alternativi olmayan qərar qəbul etmişik”, – deyə İrakli Kobaxidze bildirib. Baş nazir əlavə edib ki, bu, Amerika Birləşmiş Ştatlarının siyasətidir.

www.24news.ge

Baş nazir: “ABŞ Rusiyadan dizel alır, sanksiyalara qoşulmamaqla düzgün qərar vermişik”

Digər xəbərlər