Avropa İttifaqı 2026-cı ildə Gürcüstanda yeni layihələrə 38 milyon avro ayıracaq

Avropa İttifaqı 2026-cı il ərzində Gürcüstanda həyata keçiriləcək yeni layihələr üçün ümumilikdə 38 milyon avro vəsait ayıracaq. 24News.ge xəbər verir ki, bu barədə Aİ-nin Gürcüstandakı səfiri Pavel Herçinski Telavidə “Avropa Günü” tədbirinin açılışından sonra açıqlama verib. Aİ nümayəndəliyinin məlumatına görə, “Avropa Günü 2026” tədbiri yerli əhalinin Avropa İttifaqı haqqında daha ətraflı məlumat alması məqsədilə Kaxeti bölgəsində təşkil olunub. Bildirilir ki, ayrılacaq 38 milyon avro Gürcüstan üzrə vətəndaşların, ailələrin və icmaların dəstəklənməsinə yönəldiləcək. “EUwithYou” proqramı çərçivəsində, 30 illik tərəfdaşlığa əsaslanan layihələr vasitəsilə təhsil və məşğulluq imkanları genişləndiriləcək, ailə təsərrüfatlarına dəstək göstəriləcək və ərzaq məhsullarının keyfiyyəti yaxşılaşdırılacaq. Bundan əlavə, kiçik şəhər və kəndlərin inkişafı dəstəklənəcək, qadınların iqtisadi imkanları artırılacaq, gənclərə və həssas qruplara, o cümlədən Abxaziyada yaşayan insanlara yardım göstəriləcək, ətraf mühitin qorunması istiqamətində tədbirlər həyata keçiriləcək. Aİ nümayəndəliyinin bəyanatında bildirilib ki, yeni yardım Avropa İttifaqının Gürcüstan xalqına və ölkənin Avropa yoluna sadiqliyini bir daha təsdiqləyir.

www.24news.ge

Avropa İttifaqı 2026-cı ildə Gürcüstanda yeni layihələrə 38 milyon avro ayıracaq

Digər xəbərlər