51 yaşlı kişini ona qarşı cinsi zorakılığa cəhd etdiyi üçün öldürən 16 yaşlı gənc azadlığa buraxılıb (VİDEO)

Rustavi Şəhər Məhkəməsi 16 yaşlı yeniyetmənin azadlığa buraxılması barədə qərar qəbul edib. Qərar prokurorluğun vəsatəti əsasında verilib və yeniyetmə məhkəmə zalından azadlığa buraxılıb. 24News.ge xəbər verir ki, Prokurorluq yeni aşkar edilmiş sübutlar əsasında yeniyetməyə qarşı irəli sürülən ittihamı yüngülləşdirib. O, əvvəllər Cinayət Məcəlləsinin 108-ci maddəsi – qəsdən adam öldürmə ilə ittiham olunurdu. Məhkəmədə işə mahiyyəti üzrə baxılması mərhələsində əldə olunan ekspertiza rəyləri və digər sübutlar əsasında ittiham Cinayət Məcəlləsinin 113-cü maddəsinə – zəruri müdafiə həddini aşmaqla adam öldürməyə dəyişdirilib. Bu maddə üzrə daha yüngül cəza nəzərdə tutulur. Hadisə 2026-cı il iyunun 5-də Rustavi şəhərində, yaşayış binasında baş verib. Məlumata görə, öldürülən şəxs Bakıdan Gürcüstana gəlmiş usta olub. Yeniyetmənin yaxınlarının sözlərinə görə, həmin şəxs məktəb şagirdini köməkçi işçi kimi çalışdırıb və işdən sonra onu yeməyə dəvət edib. Yaxınları iddia edirlər ki, kişi daha sonra yeniyetməni mənzilə kilidləyərək ona qarşı cinsi zorakılıq etməyə cəhd göstərib. Onların bildirdiyinə görə, yeniyetmə məhz bu zaman özünü müdafiə edərkən kişiyə xəsarət yetirib və nəticədə o, həyatını itirib. Prokurorluğun açıqlamasına əsasən, məhkəməyə yeniyetmə barəsində həbs qətimkan tədbirinin daha yüngül tədbirlə əvəz olunması barədə vəsatət təqdim edilib və məhkəmə bunun əsasında onun azadlığa buraxılmasına qərar verib. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

51 yaşlı kişini ona qarşı cinsi zorakılığa cəhd etdiyi üçün öldürən 16 yaşlı gənc azadlığa buraxılıb (VİDEO)

Digər xəbərlər