“Mamed Gas”ın rəhbəri Nəriman Allahverdiyevin vəkili açıqlama verib

“Mamed Gas” MMC-nin rəhbəri Nəriman Allahverdiyevin bu gün səhər saatlarında saxlanılması ilə bağlı onun vəkili Rövşən Ziyadəliyev açıqlama verib. 24News.ge xəbər portalına açıqlama verən vəkilin sözlərinə görə, müvəkkili barəsində Cinayət Məcəlləsinin 192-ci maddəsi ilə cinayət təqibi həyata keçirilir. Rövşən Ziyadəliyev bildirib ki, Nəriman Allahverdiyev hazırda Gürcüstan qanunvericiliyi ilə təmin edilmiş susmaq hüququndan istifadə edir. Vəkilin sözlərinə görə, müdafiə tərəfi hazırda cinayət işinin materiallarını araşdırır, mövcud sübutları təhlil edir və hüquqi qiymətləndirmə aparır: "Hazırkı mərhələdə təqsirləndirilən şəxs Nəriman Allahverdiyev Gürcüstan qanunvericiliyi ilə təmin edilmiş susmaq hüququndan istifadə edir. Onun barəsində Gürcüstan Cinayət Məcəlləsinin 192-ci maddəsi ilə cinayət təqibi həyata keçirilir. Hazırda müdafiə tərəfi tərəfindən cinayət işinin materialları hərtərəfli və obyektiv şəkildə araşdırılır, mövcud sübutlar təhlil edilir və hüquqi qiymətləndirmə aparılır. İş materiallarının tam şəkildə öyrənilməsi və hüquqi təhlilin başa çatdırılmasından sonra müdafiə tərəfinin mövqeyi ilə bağlı ictimaiyyətə əlavə və ətraflı məlumat təqdim ediləcəkdir. Eyni zamanda, xüsusi olaraq qeyd edilməlidir ki, cinayət mühakimə icraatının fundamental prinsiplərindən biri olan təqsirsizlik prezumpsiyasına əsasən, şəxsin təqsiri qanuni qüvvəyə minmiş məhkəmə hökmü ilə sübuta yetirilməyənədək həmin şəxs təqsirsiz hesab olunur. Bu baxımdan, məhkəmənin yekun qərarı qüvvəyə minənədək təqsirləndirilən şəxs barəsində onun təqsirli olduğunu ehtiva edən hər hansı ifadə və ya yanaşma hüquqi baxımdan qəbuledilməzdir", - deyə Rövşən Ziyadəliyev bildirib.

www.24news.ge

“Mamed Gas”ın rəhbəri Nəriman Allahverdiyevin vəkili açıqlama verib

Digər xəbərlər